Men dem of the Nigeria Security and Civil Defence Corps (NSCDC) don arrest one 35 years old man wey rape 5 years old girl for Kebbi state.
As the commandant for the state, Umar Musa-Bala, been take yarn give newsmen, dem arrest the man wey been dey jakpa on July 6.
“Intelligence Department of the corps apprehended the suspect on June 13 after committing the crime at Shiyar Fara Area of Jega Local Government Area of the state, but he ran away.
He was later apprehended by our men on surveillance on July 6 and brought back to Birnin Kebbi’’ He talk.
The NSCDC microphone-man been also talk say dem arrest one Hussaini Abubakar, 22, wey dey live for Kofar Masama area for Gwandu Local Government Area on July 14 as im abduct one three years old girl for Badariya area in Birnin Kebbi Local Government. He talk say the suspect been dey carry his victim go where dem no know when country people call police for am.
The NSDC man talk say “A thorough investigation was carried out and it was confirmed beyond doubt that his intent was to abduct the girl to an unknown area,’’.