Justice Babs Kuewumi of the Federal High Court, Ado Ekiti don keep October 6th, 2021, as the day wey dey go get final say for one matter wey Nigerian Police Force sack policewoman wey carry belle when she never marry. Na Attorney General of the state, Wale Fapohunda carry the matter go court.
Wale want make the court strike out Section 127 of the Police Act and Regulations because e dey violate constitutional provisions according to am.
Justice Babs Kuewumi been fix the date on Thursday for Ado-Ekiti after the parties been adopt their written addresses.
Police counsel, CSP Femi Falade been talk say na Attorney General of the Federation dem suppose sue. He follow talk say the discharged constable been don alread carry the matter go National Industrial Court so the Ekiti State Attorney General lack the “locus standi” to bring the matter come court.
The Ekiti Attorney General come tell the court abeg make dem leave the Police counsel listen to am.