Minister of Interior, Rauf Aregbesola don tell governors make dem sign death warrant of 3,008 inmates wey dey death row for different prisons for the country.
This talk na when he dey inaugurate the new headquarters of the Nigerian Correctional Service, NCoS for Osogbo, Osun State for Friday July 23rd. The minister talk say people don crowd the jail well and na big headache.
Aregbesola talk say all the prisons get carrying capacity of 57,278 inmates, but people don reach 68,747, 67,422 males, 1,325 females. He talk say 50,992 inmates dey await trial and na only 17,755 be actual convicts. This na wetin he talk
Husband, wife and mother-in-law dey go Prison for 60 years each: See gist here
“There are presently 3,008 condemned criminals waiting for their date with the executioners in our meagre custodial facilities. This consists of 2,952 males and 56 females.
In cases where an appeal has been exhausted and the convicts are not mounting any challenge to their conviction, the state should go ahead to do the needful and bring closure to their cases. “
Aregbesola follow say state governors fit allow some of the inmates wey dey sick or old make dem go house.
He follow talk say Federal Government dey build 3,000 high-capacity custodial centre for Kano, Rivers and Abuja and dey go soon spread to the six go-political zones make space fit dey sufficient.