High court sitting for Calabar don set October 6th, 2021, as the day wey dem go issue judgement for the N68m University of Calabar Teaching Hospital (UCTH) Isolation Centre matter.
The management of UCTH and Obi Acharya Ltd, don dey fight for Court over money wey UCTH suppose pay for the Isolation Centre wey Obi been build.
JSS2 Student don stab school prefect for neck : Full gist here
The contractor, Obi Acharya been carry the hospital go court make dem come pay for the Isolation Centre wey dem been don start to use during the outbreak of Covid-19.
For court, the complainant, Obi Achara Nigeria Limited, want make the court put eye for the matter while UCTH management want make court strike out the case.
Presiding Judge, Angela Obi, after she don hear from both parties, Eta Akpama wey dey represent Obi Achara Ltd and Volunteer Itam wey dey defend UCTH, carry the matter go October 6th, 2021. This na because of this year annual legal vacation wey go start this month.