Senate presido break silence on Twitter ban

Senate presido Ahmed Lawan don tok say Naija people need twitter

As him follow journalists tok for national assembly inside Abuja on Friday, Lawan say di country pipo need Twitter.

Di oga of di national assembly say dem dey hope say federal goment and Twitter go try settle di kwata wey dem get.

Di whole palava start wen twitter delete one tweet wey di handle of di nigerian presido make. Di tweet no too go well and people begin call on twitter to delete wey dem finally comt. E no tey after twitter delete di tweet, FG suspend dia operation for di country.

As Ahmed Lawan take tok am;

“The honorable minister of information, Alhaji Lai Mohammed, informed Nigerians that they are talking with Twitter to resolve this matter. Our belief is that Nigeria needs Twitter just as much as Twitter needs Nigeria,”

“We believe that the matter between Twitter and the federal government of Nigeria will be resolved.

“But beyond that, I’m an optimist, I believe all of us will have learnt our lessons.”