Wetin You No Know About Sho Madjozi


Wetin You No Know About Sho Madjozi

You fit sabi Sho Madjozi as Tsonga rapper, but her new single and recent contributions to the industry go prove you wrong. 

The rapper, poet, and actress wey grow up for Limpopo get all-round talent.

See some things wey you fit no know about her:

Sho Madjozi – real name Maya Wegerif no eever get dream say she go rap and she even say she been get hope say she go work for African Union.

That dream make her go Senegal to improve her French but her stay for there no sweet at all as she see say she dey struggle to survive and provide for herself.

As she dey talk to Drum Magazine she say;

“It was never my dream so maybe it was just meant to be”

The Dumi’ Phone hitmaker also get business-mind because of the fact say na she dey sponsor her music so she dey do all the thinking even as she dey pursue her writing, Madjozi sell cloth for market and she design machangani-Tsonga bags.

Sho Madjozi get degree in Creative writing and African Studies from Mount Holyoke College wey dey Massachusetts for USA and na through scholarship.

Sho Madjozi latest single Huku, show off her language skills as she sing in Swahili and na there you go notice say the musician sabi almost four languages, wey be; isiZulu, Tsonga, Sepedi, English, French, and Swahili.

Meeting rapper OKMalumeKoolkat as a writer help her breakthrough as her language skill give am writing job plus she feature on OKMalumeKoolkat Gqi hit track.