For daytime, she be cashier and when night reach, she go turn to the pantless dancer wey dey make men mara for clubs and hotspots
Tshegofatso Bonvica aka Assquake na pantless dancer and according to her she be the new Zodwa Wabantu.
The cashier wey her motivation and role model na Zodwa Wabantu don come out for open talk say time don reach when Zodwa wey be the main pantless dancer go enter house make young blood take over.
The 32 year old Zodwa rise to fame when she begin dance without pant for clubs and before you know wetin dey happen, she don dey collect better money plus the world come dey sabi am.
That na the case of the “new kid in the block” wey her name na Tshegofatso “Assquake” Bonvica. She get job as cashier and for daytime she dey office dey smile as she dey keep her record but once night reach, she go hit clubs and flexing joints to entertain her fans with her dance moves.
The 28 year old dancer enter social media of recent where she call hersef the new Zodwa but when Wabantu hear the scores, she say the girl don fuck up based on say no body go fit replace her so long her name na still Zodwa Wabantu.
Tshegofatso don dey make people around Gauteng sweat with her pantless twerking and from her Facebook page wey be like wetin them just create new, she say she dey ready to compete.
Maybe na time for Zodwa to still ginger herself as this new girl dey ready to do anything to make name for the game. But meanwhile recently Oskido feature Zodwa for the music video of him single Serope and as she post the pictures for social media, she say her paycheck don increase for sake of those wey want make she work for them.
Nawa…be like say mesef go begin dance without boxers, e be like say na wetin dey give money be that now #LOL.
Make e for no loss, help share this post via social media.