Watch Video Where The JAMB Officer Say Na Snake Swallow That N37 Million

4
Watch Video Where The JAMB Officer Say Na Snake Swallow That N37 MillionSince the news drop say one snake swallow N37million wey JAMB get from scratch card wey them sell during the time of scratch card from their office, different tori don dey come up as to wetin really happen

This na the video of Philomina Chieshe the sales clerk for JAMB wey talk say na strange snake swallow the whole 37 million wey suppose come out from scratch card sales.

The video drop 24 hours after Chieshe deny she no talk say na snake swallow the money. She tell CNN say the news na lie and nobody ask am question about the missing money.

For the new video wey The Sun release, Chieshe tell board members say how the money take miss dey strange.

No be today ‘strange’ things don dey happen for Nigeria.

If you go remember one time for September 2004, one Russian tanker wey them load 30,000 barrels of oil just disappeared without trace from where the Nigerian Navy keep am. Them seize the vessel, African Pride for Nigerian territorial waters and them detain the crew of 13 as oil smuggling suspects. The vessel later disappear into thin air with the goods and crew for wetin them call national embarrassment.

For 2008 the Nigerian Communications Satellite (NigComSat-1), wey we launched enter just miss. As the Satellite miss, even the N40bn wey government spend on top the project miss too. After months wey we hear the news, the Federal Government come say the communications satellite no lost but e get flat battery and na why them park am like volkswagen wey no dey function.
For the same country too rat dey pursue president wey don spend over one hundred days away from country and office from him powerful office
E get stories wey be say na for only Naija e dey happen, just watch the video

Watch the video for down;

 

1 COMMENT

LEAVE A REPLY