De New York Fashion Week hold yesterday and with all de events highlights and all Cardi B and Nicki Minaj fight na de highest
De two rappers attack dem sef as dem begin fight for de NYFW party and de whole tin no go well as Cardi B comot from de place with one big koko for de side of her head.
Cardi B and Nicki dig am out for de Harper Bazaar Icons fashion week party wey hold for de Plaza Friday night as dem pull their hair throw shoe. Things go wrong as de two of dem dey comot from red carpet and as dem jam like dis wahala start.
One pesin talk say na Cardi B start de fight but another pesin say na pesin push Cardi B enter Nicki Minaj body as dem dey waka comot from de red carpet and most times i dey feel say fans wan see celebrities mess up because dis matter now make me remember de picture wey surface online after South African artist Emtee fall for stage and e show where one pesin from de crowd hold am for leg.
But whether na push dem push Cardi or na she start fight, fans and de social media don dey noise about de whole event and wetin happen and de two rappers don dey trend since early morning on top Twitter.
Cardi B still don go on Instagram to clear de air on de reason why de fight happen. See wetin she write for down.
Watch de videos wey dey for down to really see wetin happen.
cardi b vs nicki minaj – full fight (english sub) pic.twitter.com/oKI7rCjqJT
— Gustavo (@eugustavor) September 8, 2018
See wetin Nicki Minaj post for IG after de fight
See de picture of de two of dem before de fight