South by Southwest (SXSW) na yearly combination of film, interactive media, and music festivals and conferences wey dey always happen around mid-March for Austin, Texas, United States.
Nigerian artist, Ayo Jay, make wave last summer when him single “Your Number” turn one of afrobeats first crossover hits.
For 2016, Tanzanian megastar Alikiba na one of the first East African artists wey Sony sign. Him go get plenty hit songs to perform, as every single wey him don drop since him first release don make way to the top of the charts, one of him popular 2014 hit na “Mwana.”
DJ Edu na the man behind BBC Radio 1xtra longest running African music show “Destination Africa.” Him dey among the continent most recognised music ambassador and him dey popular because him dey put African artists on the map.
FAARROW na group of Somali-Canadian sisters Siham and Iman Hash, wey develop their music talent when their family relocate go Toronto after them escape the civil war. Last year, the group release their first EP Lost, and their first album dey on the way.
DJ Juls na one of African best producers as him production dey blend highlife, afrobeats, hip-hop and more. Recently him drop one jamz wey him do one highlife collabo with L.A.X “Give You Love.”
Most people dey compare British-Nigerian MC Little Simz to Lauryn Hill.
Star producer and artist Maleek Berry go also hit the SXSW stage. The Nigerian artist produce some of Wizkid and Wande Coal‘ most popular jamz before him drop him own first EP Last Daze of Summer, in 2016.
Austin-base Ethiopian singer Mélat catch our attention with her 2015 EP, It Happens So Fast.
Born in Lagos, the British-Nigerian songwriter Moelogo na South London rising afrobeats star. Moelogo first break out in 2013 with “Pangolo.”
Robin Thirdfloor na one of the 25 South African Rappers Under 25 wey dey kill the game.
The Montreal-based Mozambican artist and songwriter Samito release him first album last year on Costume Records. Him call the album him name Samito and na eight tracks dey inside.
Brooklyn-basse group Oshun perform songs with the purpose say them wan spread the essence of the Yoruba deity them get their name from.
The NYC-base Young Paris, wey sign deal with Jay Z Roc Nation last year, dey come after him don drop him African Vogue album.
Feel free to share this post via social media.