Update On Rick Ross Life Support

9

Update On Rick Ross Life Support

Missy Elliott, P. Diddy and Snoop Dogg dey among the stars wey dey ginger fans to pray for rapper Rick Ross

According to reports from many news source including TMZ and People magazine, Ross dey unconscious when emergency services reach him Miami home on Thursday morning.

American Rapper Rick Ross On Life Support

P. Diddy wey be Sean Combs say: “Let’s all pray for Rick Ross.”

Snoop Dogg say him dey pray for “my guy Rick Ross” and him still add: “Hope you pull thru my brotha.”

“Everyone pray for my buddy Rick Ross to get well soon!” na wetin rapper Gucci Mane write.

Actor and comedian Martin Lawrence tweet say: “Prayers up for Rick Ross and his family.”

The rapper Fat Trel, wey dey under Ross record label, say Rick Ross dey ok and not on life support.

Him post on top Instagram say: “JUS TALKED 2 MY BIG HOMIE… HE GOOD… HE IN DA HOSPITAL BUT HE IS NOT ON “LIFE SUPPORT” … HE GOOD.”

Ross, wey him real name na William Leonard Roberts II, suffer two seizures within the space of six hours for 2011.

More updates go come your way soon!

NO COMMENTS

LEAVE A REPLY