After Starboy Wizkid wish Mavin female act Tiwa Savage happy birthday, the singer don respond with soft words for the Starboy Records CEO.
February 05 na Tiwa birthday and Wizkid show am love for social media as him share 5 different photos of the singer come call her “My Queen”.
The singer don reply am with emotional words as she thank am for the good wish. Wizkid after him upload her pictures write;
Big birthday shoutout to a Queen!! Our Queen, My Queen! Hard worker!! @tiwasavage ❤❤😘
The singer come reply am;
“⭐boy, You already know how emotional I get so this is just making me teary. Forget music, you’ve been there for me even when you didn’t have to be. When I doubt myself, you call me ‘mama JamJam’ and put a smile on my face. My dear Ayo, mama JamJam loves you ❤”
Tiwa Savage go headline her first concert for UK this year by August and she announce am via her Instagram handle.
5 Things About Tiwa Savage Ex-Husband Tee Billz Wey You Suppose Know
- Tee Billz real name na Tunji Ibrahim Balogun.
- Tunji meet Tiwa Savage for the first time through one of him friend Wale for Los Angeles.
- Tee Billz been base for US before him come back come finally settle for Naija.
- Na him get 323 Entertainment wey CDQ been dey under before him comot.
- Him been guide Tiwa Savage when she still dey come up plus invest on top her too as him pay for her video shoot, clothes, photo shoot and fligh tickets.
Tiwatope and Tunji get one son together them name Jamil and with all her social media uploads, the boy dey with him mama and him don dey grow.
Watch the video of Tiwa Savage and Tee Billz Dubai wedding on April 26th 2014
Feel free to share this post with friends on top Social Media with the button wey dey down.