Na This Nollywood Actress Replace Funke Akindele For Avengers: Infinity Wars
According to reports wey don spread, Genevieve Nnaji replace don replace Funke Akindele for Avenders: Infinity Wars.
Around last week news spread around say Funke Akindele dey among the people wey go act the oyibo film Avengers: Infinity War.
But the koko be say na one hacker run the package and him even help Funke trend wella as that first news spread well for social media.
Now we fit tell you with confidence say na Genevieve Nnaji get the role of Dora Milaje wey Funke been wan play according to the first rumour.
See the full list of people wey go act the movie for down;
We don confirm say na hacker run that package and say nobody even contact Funke for any reason and na why she no confirm the tori when e been dey trend.
The hacker even do reach where him add Funke name for the movie website as member of Dora Milaje wey dey guard Black Panther.
Avengers: Infinity War na upcoming American superhero film wey come from Marvel Comic superhero team the Avengers.
Na Marvel Studios dey produce the film and Walt Disney Studios Motion Pictures dey distribute am.
Avengers: Infinity War na follow up to 2012 Marvel The Avengers and 2015 Avengers: Age of Ultron and the nineteenth film in the Marvel Cinematic Universe (MCU).
Na Anthony and Joe Russo dey direct the movie and screenplay na by Christopher Markus & Stephen McFeely.