E dey possible say your national identity card don ready but you no know. According to the National Identity Management Commission (NIMC), if e don tey wey you register for the national ID card, then you fit check if e don ready online. E get online platform where you fit check the status of your identity card with the following simple steps:
1. Visit NIMC center: https://touch.nimc.gov.ng/
2. Then click the proceed button 3. Now, fill in your first name, last name and your Naitional Identification Number and hit the ‘check now button.
Recently, one NIMC representative describe the advantage of the new national identity card. Apart from many other things, you fit still use am as Automated Teller Machine (ATM) card anywhere for the world where MasterCard logo dey.
As him dey brief journalists today for Abuja, NIMC’s Director of Technical Services, Mr Emmanuel Ogungbe disclose say the Commission don already sign an agreement with MasterCard.
Him explain say, besides being just an ID card, na also cash card, so the holder fit withdraw money for any place. Moreover, especially within the West African sub-region, e go soon dey possible to travel with this card only, passport-free.