Solidstar Don Leave Achievas Entertainment After 10 Years
Nigerian singer Solidstar don leave Achievas Entertainment wey sign am for over 10 years. The father of one enter social media share the news with joy.
From how him drop the news, we believe say things go well between him and him former label but who know wetin go happen tomorrow based on say drama full the entertainment industry and recently things no dey too go well between labels and artists as one issue or the other go come out after sometime.
Na that time you go dey hear different tori and gist wey they no tell us before the breakup or in this case the ‘leave’.
But the koko be say Solidstar na one guy wey don brand himself for the industry over the years as him don run him package well and apart from that, him no really involve for most talk-talk wey other artists dey always see themself dey involve.
Atimes they no dey do am say they wan do am but na how the game be, but that one no mean say e no still get some artists wey dey just wan dey news whether na for good or bad.
But for me wey be Pidgin Parrot, i wish Solidstar well and i also wish say one matter no go come up tomorrow where record label dey drag am up and down.
See wetin him post below;
Share this post if you like am via the social media icon wey dey down below.