The President of the Senate, Bukola Saraki, don explain the need why them suppose remove the President powers as them dey ammend constitution.
For report wey Premium Times do, Saraki say president approval no dey necessary for the process of amendment of the constitution.
According to report him further say na with this belief the Senate approve say make them comot the bill wey say president go dey approve ammendments wey dey enter constitution.
Another report be say about 92 senators, more than the four-fifths wey dey required, vote make them comot presidential approval.
Saraki also talk say the ongoing process of amending the constitution, the final decision of federal and state legislatures na the decision of the people, and according as him talk am in quote:
“Well, to me, if two-thirds of the National Assembly agrees to something and two-thirds of the state assemblies also agree, in my view, the President should accept that as the wish of the people.
“Does he really need to assent? Personally, I don’t think so; that is my personal view, because with two-third of National Assembly, two-third of states’ assemblies, the people have spoken,” him talk.
Make we no forget say for 2015, the 7th Assembly no succeed with the move as ex-president, Goodluck Jonathan, no agree with the amendment because of the removal of the clause wey dey for Section 9 of the 1999 Constitution.