As the Mavin queen celebrate her 38th birthday, Wizkid wish her well as him share this her photos
The Starboy Records boss share about 5 photos of Tiwa Savage as she celebrate her birthday yesterday 5th Feb. Wizkid no too dey give shoutout so this one special and him even call her My Queen.
We go share 5 things about Tiwa Savage wey you suppose know after the photos.
Tiwatope Savage Balogun na naija artist wey her fans sabi wella as Tiwa Savage. Them born am 05 February 1980 and she dey sing, perform and act, she be songwriter too.
- Presently she sign songwriting deal with Sony/ATV Music Publishing
- She sign deal with Mavin Records in 2012
- Tiwa still sign Management and Publishing deal with Jay-Z Roc Nation for June 2016 which she confirm via her Instagram
- She follow write the track ‘Collard Greens & Cornbread‘ from Fantasia Barrino album Back To Me wey get Grammy nomination.
- Her first studio album Once Upon A Time drop on 3 July 2013 with hit songs like Kele Kele Love, Without My Heart and Eminado.
As a singer, she don win awards like MTV Africa Music Award, two The Headies Awards, one Channel O Music Video Award, one Nigeria Music Video Award, and two City People Entertainment Awards, plus others.
Tiwa Savage get one son Jamil Balogun with Tunji Balogun aka Tee Billz. Even though say their marriage no dey smooth, Tiwa dey take care of her son as she focus her attention on her music career and the little boy wey just be like say na the 2 most important things to her now.
Watch Tiwa Savage Ft. Wizkid & Spellz – Ma Lo (Official Music Video)