Repentance As 29 Born Again Christians Return Their Waec Certificate


29 born again Christians don return their certificate give West African Examinations Council (WAEC) based on say them cheat, do mago-mago take pass the examination when them been write am.

The examination body WAEC for statement wey them release after their 62nd National Examination Committee meeting recently, say among the 29 certificates wey the born again Christians return  include one wey them issue 33 years ago (1984) and another one wey be 32 years ago (1985).  Other born again Christians wey return the certificate on their own confess say them use mago-mago and wayo take pass the exam wey them write between 2011 and 2013. Some include three wey sit for the examinations in 2000, 2004, 2008, two each in 1992 and 2003 and the ones wey write for 1984, 1985, 2001, 2002, 2005, 2006 and 2012.