Police Recruitment 2018: How You Fit Apply (Details)

11

Police Recruitment 2018: How You Fit Apply (Details)The Nigerian police don start to collect ppeople wey wan join them and them don release the things wey anybody wey wan join need to fit apply for the 2018 exercise.

The Nigerian Police dey open for Nigerians wey meet the things wey the force list as requirements for person to fit enter into the Nigeria Police Force as Police Constables.

The first thing be say as person wey wan apply, you must have passion for the Nigeria Police Force and must meet the following general requirements:

1. Nationality: You go be Nigerian citizen by birth and you must get National Identification Number (NIN)

Loading...

2. Age: No go dey less than 18 years of age or more than 25 years of age.

3. Education: The person must get O’ Level certificate where him get at least five credits passes for Mathematics and English Language and him no sit for the exam pass two times. E fit be WASSCE/GCE/NECO or NABTEB.

4. Character: Him go get good character and him no go get any criminal record.

5. Height: Atleast the height no go dey less than 1.67 metres for men and 1.64 metres for women.

6. Chest Measurement: Chest (akpobi) no go dey less than 86 cm (34 inches) for men only.

7. Physical Features: Him go dey complete for body. As in him go get 2 eyes, go dey talk well, him go dey waka well, no tattoo, mark for body, hands wey fit do wetin complete and go do and him belly button no go big.

8. Pregnancy: The women no go get belle as at the time wey they wan apply.

9. Financial Status: Must be free from any money palaver.

10. Guarantor Form: You go download and fill the Guarantor Form, with reference wey go dey verified.

11. Sureties must be traditional Rulers, Magistrate, Local Government Chairman, Heads of Educational Institutions wey you go, Career Civil Servant wey no dey below the rank of Grade Level 12, Police Officer wey no dey below CSP, or Military Officer wey no dey below the rank of Lieutenant Colonel.

12. If you get valid National Drivers’ License, na advantage.

Police Officers Hold Thanksgiving For Church After Them Return From Boko Haram Territory (Photos)

NOTE: All candidates must pass through medical checkup before final selection.

How You Fit Apply (Read Well Abeg)

Submit all applications ONLINE.

1. You MUST get Email Address and Mobile Phone Number wey dey function before you begin your application.

2. Visit www.policerecruitment.ng

3. Fill and SUBMIT the form online. (Check the information before you submit finally).

4. Make sure say you print out the information wey you go receive for your Email, and no forget to copy and save your REGISTRATION NUMBER for future purpose. Write the REGISTRATION NUMBER EXACTLY how you see am.

5. You go get hardcopy of email message wey you receive if you dey among people wey go enter the next stage of the recruitment process.

6. WARNING!

i. Yoy no fit use any email and/or phone number more than once for this application.

ii. Anybody wey apply pass once don fail already.

iii. The Nigeria Police Force no go enter into any agreement with any candidates or on behalf of any candidates wey follow for this exercise apart from the ones wey dey for their portal or candidates email/telephones.

Watch The Reply Of Naija Peolpe On Police Performance

 

Loading...

NO COMMENTS

LEAVE A REPLY