New wen we get be say police don arrest California rapper, YG after him steal one gold chain from him fan neck
The 28-year-old rapper wey him real name na Keenon Daequan Ray Jackson take off with the diamond-laced pendant for one Las Vegas casino.
Them arrest the hip hop music star wen him dey for one Vegas court on Thursday after them get warrant to arrest am and him turn himself in. Them charge am with felony robbery and them release am after $20k bail.
The matter sup around late May for the Cosmopolitan around 4 AM, after one man approach YG ask am for photo with him but him crew no gree.
According to report, the sad fan call YG fake celebrity and with vex YG say make him crew catch the man before him tear the chain and diamond pendant from him neck. Na the casino camera capture the mata.
The victim dey sue YG too as him claim say him crew deal with am before he comot the jewelry wey cost like between $3,000 and $9,000. The man want at least $250k as compensation.