Police Arrest King Of Umueze After Him Kill IMSU Fresh Graduate

Police Arrest King Of UmuezePolice Arrest King Of Umueze, carry am enter custody after him shoot graduate of IMSU

The king of Umueze community for Mbaitoli, Imo State dey police net now because him kill Imo State University fresh graduate on Wednesday after one small issue.

HRH Eze Opara according to report shoot Uchenna Opara Junior for chest come run away and na with vex the youth of the community go burn him palace and oil mill. The police don dey involve for the matter and the king don enter custody.

According to witnesses, the killing happen on Wednesday evening for the community primary school playground.

The matter start when the youths of the community wey dey use the playground for their football training challenge the son of the king, Temple Opara, when him wan take over the field with one football team wey him carry come from Port Harcourt, Rivers State, and him no inform the youths wey don dey tidy the pitch for a long time. The Prince come beg the youths come still settle them with 10k. When the king hear the gist, him vex come drive go the field with him guards make him collect the money back.

Police Arrest King Of Umueze After Him Kill IMSU Fresh Graduate

As him dey ginger the youths, one of him guards, Atuonye Opara, go bring gun from the car and the king collect am from him hand come use am dey threaten the youths. Him personal assistant come want make him collect the gun but the king begin drag am with am and na as them dey drag am the king pull the trigger come hit Uchenna for chest.

The boy na 2017 graduate of Library and Information Science and them rush am go one clinic where him die. Uchenna suppose go for NYSC in March 2018.

The state Commissioner of Police, Chris Ezike, confirm say them don arrest the plus say investigation dey go on to get to the root of the matter.

 

NO COMMENTS

LEAVE A REPLY