Photos: See The Top 6 Naija Celebrities Wey Really Get ‘Grass To Grace’ Story

Check out these inspiring stories of some top Naija celebrities wey really find am tough before the celebrity life but them no give up till they reach this point and even as them don achieve, most of them still dey push for more because for you to live life and be alive you gaz dey move on a steady basis.

1. Patoranking

Him dey really recognized as one of Naija top reggae/dancehall artist for the moment. Apart from say him na the face and ambassador of several top brands and organisations, him na judge for the ongoing music competition “The Voice Nigeria”, Patoranking no only show say him dey versatile but also say him dey hardworking. Everybody dey see the glory and most people like him style and some people wan live like am but before that make we check him story out.

Before him blow, him be brick layer. If you no code wetin i mean, then i go let you know say him no just be brick layer, him carry “kponkpon”. Kponkpon na the pan wey them take dey supply sand for building site.

As part of say him wan double him hustle to fit raise funds take support him family as the first born and him musical career, him sell rat poison for street but see where him dey now.

2. Joseph Benjamin

Obviously him na people darling for the movie industry and him sabi anchor events and public speaking, Joseph Benjamin na definitely one of the high-flyers for the entertainment industry.

As him talk am himself, him say him don move from a bus conductor, security guard, waiter, work for Bakery, sell shoe join for Balogun; then enter IT before acting.”

3. Linda Ikeji

Say she be entrepreneur and top blogger now no mean say she no get wetin she pass through sef before she reach there.

From getting admission to study course wey she no want (English) for the University of Lagos, to her struggle inside newsrooms as a writer, to modeling, to when she sell beer as waiter for hotels, Linda don show the strength of the woman wey don face different challenges wey life dey give daily. She say she dey go sell beer for hotel after she leave lectures 1 pm till 10 pm, say she do this one for few months even tho say e no easy but she gaz survive and today the story different.

4. Omotola Jalade-Ekeinde

Omotola don move from just an actress, she be living legend for the Entertainment Industry. From her early stages for acting business to where she dey now, Omotola don continue to leave legacies not only for Naija here, but also globally. In 2003, she make the Times Magazine list of Most Influential People for the world, no be small achievement even some Presidents of countries never reach that heights.

But Omotola get her tori too;

After their papa die, herself, her mom, and her two siblings gaz beg for street just to survive another day. Them go sit for pavements of some rich Nigerians with hope say something go come out but most times na disappointment dey come out. She almost dey tempted to go into prostitution as she talk, but she just no give up.

5. John Okafor

Mr. Ibu na the name wey everybody know am with afer him role for the movie – Mr. Ibu, in 2004, John Okafor na one of Naija most talented comic characters. People dey enjoy him funny acting but most no know say him once sell firewood, do butcher, and hair dressing.

Him say when him popsy die, breeze pull down their house and them turn tenants for their our own village, say them dey eight in number; five men and three women. And all of them go squeeze inside one room for their mumsy side like say them dey cell.

In fact him even mention say him family na the poorest for him hometown for Enugu State. Life and living dey truly tough for him but today the rest na history.

6. Wizkid

Ayodeji Ibrahim Balogun, known by him stage name Wiz kid, na definitely Naija finest and hottest entertainment export. Born 16 July 1990, Wizzy quickly embrace him musical destiny for age 11 when him dey answer Lil’ Prinz, him early career no dey as smooth as you think.

Him no find am easy as him begin sleep for some popular studios for Surulere and Ojuelegba before him transform.

Him don share stages with plenty Naija finest artist, and him don enter global relevance with collaboration with artists like Drake.

Today him don set standard wey go forever dey make him name relevant for Naija music history.

This one go show us say no matter wetin we dey go through today, we fit change our story with diligent and smart work and above all God!

Source: The Nation

Translated: Nwachukwu Samuel

NO COMMENTS

LEAVE A REPLY