Yawa don gaz for Madonna university after students accuse one man wey them identify as Festus say him move with their ATM cards and pin come make big withdrawals.
According to the story wey dey social media, some students give Festus their ATM cards and pins to help them make withdrawals but him disappear with the cards and since then, the students don dey get debit alerts.
Madonna University wey be say na Rev. Fr. Edeh own, no get ATMs wey dey function and na for that reason students dey give their ATM cards to people to help them withdraw from outside as them no fit leave school without proper permission.