Oil pipeline go ablaze 24 hours after vice presido visit for Delta

0

E no reach 24 hours after vice presido Yemi Osibanjo visit Delta state before gunmen wey them suspect say na millitants burn one crude oil pipeline for Ughelli wey dey Delta state.

This pipeline wey be say na Niger Petroleum Development Company, NPDC get am, dey behind SETRACO construction yard, along the East/West express road, and na around 4:30pm people raise alarm say gbege don set sake of say na that time the gunmen light the pipeline.

The cause of the fire still dey wonder people but most people wey dey stay around there talk say no matter as e be that kind thing go be millitant handwork.

According to Vanguard, one security source wey dey operate for that area no wan hear say na millitants do that kind thing.

Him say the fire na from people wey dey burn bush, say person light fire for the area and na oil wey spill for the pipeline come catch the fire.

The security source come talk say them dey secure oil and gas facilities for the area wella so him dey sure say attacks no fit come from any angle like before.

NO COMMENTS

LEAVE A REPLY