Naij Vice Presido Yemi Osibanjo don talk say Naija must act sharp sharp in other to get other mean of income as a country else wahala go dey.
Him say na small thing remain now, crude oil no go be Naija main source of revenue, say the days dey numbered.
he come dey encourage the government make them act fast.
As he talk am gan gan him say “We must be smart and act intelligently and fast”.
The vice presido talk this one on Monday when him visit Gbaramatu kingdom for Delta State as part of him peace mission to the Niger Delta region.
After meeting wey him hold behind closed doors with leaders of Gbaramatu for palace of the Pere of Gbaramatu kingdom, Oboro Gbaraun II Aketekpe, Osinbajo as him begin talk to large crowd wey park outside tell the people say the future of oil industry go face plenty challenges
Him say “For another 20 to 30 years wey go come our oil no go dey as precious as e dey today and say na reality him dey yarn sake of say America no dey buy oil from us again, all Asian countries wey dey buy oil before don dey build alternative means of power, China and Japan don even dey build electric cars. Infact say Japan don dey build more charging stations than petrol stations and solar power don dey dey cheap more and more.