NBC Don Ban ‘This is Nigeria’ By Falz


NBC Don Ban ‘This is Nigeria’ By Falz

De National Broadcasting Commission, NBC don ban one of Falz song, ‘This is Nigeria’ wey him drop recently

We hear de news from one letter wey NBC date 6th August 2018 and na de Zonal Director Igomu Onoja sign am.

MURIC Give Falz 7 Days To Take Down “This Is Nigeria” Video

According to NBC, de part of the song where Falz say – “This is Nigeria; look how we living now everybody be criminal” no get beta message and dem no fit allow am play on top radio becos e no good.

Dis one dey happen after one muslim group wey be Muslim Rights Concern (MURIC) give Falz time say make him take down de video based on say e get where him show some girls wey wear hijab dey dance ‘shaku shaku’ but after dat another group Muslims Against Terror tackle de group say de video no get anything to do with Islam since anybody fit wear hijab.

And de mata cause wahala online too as some Muslims ask MURIC why him no also give Boko Haram and herdsmen time to stop de killing.

As Falz reply MURIC allegation say him video na hate video, him say de accusation no make sense as the girls wey wear hijab dey dance ‘Shaku Shaku’ for the video na just entertainment in form of distraction from everything wey dey happen for the society.

NBC also ban Wande Cole song ‘Iskaba’ along with Olamide ‘See Mary, See Jesus’.