2018 na beta year for SA Hip Hop as some of the best albums to ever come out of SA Hip Hop dey make their way enter the market
Nasty C album wey the title na Strings And Bling don drop since like almost a month now and e still de trend on top chart reach now as e don stand the test of time.
Most rappers de only see the number one spot on the day wey dem drop their project and some de stay reach one week but Nasty C don dey worry Drake on the SA iTunes charts since him drop.
The rapper recently post one screenshot of the SA iTunes charts where him album de number one on the Hip Hop charts in front of The Carters and Drake project.
Nasty C write say;
“Too much power for one Zulu man!! 23 days and still #StringsandBling first place! Huge thank you to all my supporters.”
No forget say na this same album take am 9 months to complete and him say himlose like 4 albums before him come up with this album and him even add say this na him best album so far since na the projet wey him work on the same time him de work on himsef.