The National Agency for the Prohibition of Trafficking in Persons NAPTIP Arrest Housewife, 24-year-old Basira Sagiru.
The Head, Press and Public Relations Unit of NAPTIP, Mr Josiah Emerole, confirm the arrest to the News Agency of Nigeria (NAN) talk for Abuja Today, Saturday.
NAN report say Sagiru push her sister-in-law, wey dey live with her enter pot of hot water sake of one small matter wey them get the house.
The victim, wey her name na Hasiya Ibrahim, according to reports get serious burn before some good Samaritans come rescue carry her go NAPTIP headquarters for Abuja.
Emerole tell NAN say the victim dey under the custody of NAPTIP for medical attention.
Him say na on Oct. 19th them arrest the suspect immediately them hear the matter.
Him say the agency go decide the next line of action when them finish investigations.
NAN report say part of NAPTIP mission na to prevent all forms of human abuse and humiliation through law enforcement agents and through that process them go uplift the weak, especially women and children.