Popular blogger Linda Ikeji dey trend on Twitter because of one post wen she write for her blog and e dey cause wahala for Naija now as e dey hot
According to reports the Linda Ikeji wen dey expect her first child soon post the story of one gay Naija man and the gist be say the man na person wen dey write poem and him open up about how him wan kill himself when him take overdose of ”Aspirin.”
As most people feel, them say na due to the fact say she wan get more traffic on her blog and na why she take the post from the man personal facebook page where him express himself in writing and she publish everything for her blog with him name and location.
Twitter users come dey blast Linda say she no get feelings at all as be say that ordinary post wey she write fit put the man life at risk and if you look at the post well, you go see say she allow and approve the comments of social media users under the post.
As at the time of this report the blogger never react to any of the names wey them dey call am.
See some of the post for down;