Meet The Ugliest Man For Zimbabwe
William Masvinu 43 years old man wey no get work don win the ugliest man for Zimbabwe for the fourth time.
Masvinu wey score 98 points, use am recover from last year wey him lose give Maison Sere as him beat 61 years old Fanuel Musekiwa enter second place for Harare on Sunday night.
Masvinu use 4 points pass Musekiwa, as the last year champ Maison Sere land for third place with 91 points.
Masvinu get $500 with one cow based on how him be the ugliest man for Zimbabwe, Fanuel Musekiwa get $200 as the third man Maison pocket $100 as third man.
After the contest Masvinu talk say nobody go fit drag am say na him be the ugliest man for Zimbabwe.
Him also talk say after him lose last year him go prepare wella to come take back him title this year and him dey happy say him carry am.Finally him say as him don carry am, na to carry him ugly face show to the world sake of say him dey very sure say if Mr. Ugly World dey, him go carry the trophy come Zimbabwe as e sure for am say na him go win am.