Meet Andre Blaze The Voice Of Big Brother (Details)

Meet Andre Blaze The Voice Of Big Brother Check Some Details About Andre Blaze The Voice Of Big Brother

Big Brother Naija don start proper for the third edition for we obodo Naija after the first show wey take place for 2006, then last year own wey be 2017.

This year own be like wetin go make brain as all housemates don involve for different activities and fans worldwide don dey ginger on their own, some don dey even wish for eviction.

BBNaija (2018): Tobi Don Turn Head Of House For Week 1

As the show dey always be, the Big Brother dey always dey to coordinate the whole show plus housemates, infact him dey in charge of wetin dey always happen inside there and all housemates dey answer to am even the HoH.

Today we wan give una details of the man wey dey behind the Big Brother Naija this year and him name na Andre Blaze.

Them born am Andre Blaze Henshaw August 14, 1983 and na radio presenter, rapper, television host and executive producer.

Him radio career begin for Rhythm 93.7 Port Harcourt where him work over 6 years before him come join Nigezie as TV host. Him quit the job for May 2012 and him later host Nigeria’s Got Talent.

Before that him don host plenty reality shows wey include True Search, Battle of the Year and Peak Talent Show.

Him dey also anchor (present) Google Digital Skills for Africa Training Programme.

Popular Nollywood actress Kate Henshaw na him cousin.