Meek Mill Go Spend 2-4 Years 4 Prison after the judge sentence am to jail on 7th November 2017
The judge say Meek Mill go spend 2-4 years 4 prison after him fail to keep him parole with him recent arrests.
According to the Philadelphia Inquirer, one of the two arrest na for fighting and the other one na for careless driving.
The Philadelphia rapper wey him real name na Robert Williams been dey on parole since 2009 after him don spend small time in prison on drugs and weapons charges. For March this year, the 30-year-old rapper fight for St Louis airport and them arrest am, as August reach them arrest am again for careless driving.
Even though say them no continue to press the charges, the judge say the arrests don fail Mill parole (to release prisoner based on the understanding say him go obey law and sometimes come check in).
Prison officials say them no go talk the name of Meek new prison until him don reach there based security reasons.