Some youths around Kogi state capital city of Lokoja on Saturday dey different beer parlours dey drink sake of say the controversial Mavrodi Mondial Movement (MMM) don return.
The Ponzi scheme wey Russian government don ban upon say na there e start freeze the accounts of 3 million Nigerian members for December wey come make Nigerians wey their money dey inside am begin panic.
The scheme come return on January 13th, a day before the day wey them promise to come come back wey be January 14th.
Most of the ryouths wey dey celebrate na students of the state polytechnic for Lokoja.
They say them surprise say the pyramid scheme go come back and as e don show like this say happiness wan kill them.
One of the students Segun Ademola say him na the happiest person on earth sake of say him invest over N300000 for the scheme and as they don unfreeze members account him go reap him investment.
Fola Owobo, another student say she use her school fees provide help for person wey she no sabi, say she dey happy as MMM come back.
Still another student who no wan make we mention him name sau him don learn lesson, say once him get help he no go try any ponzi scheme for him life again.