Kiddominant Blast Organizers Of Soundcity MVP Awards

Kiddominant Blast Organizers Of Soundcity MVP AwardsKiddominant Blast Organizers Of Soundcity MVP Awards After Him No Win Producer Of The Year Award

Producer Kiddominant blast organizers of Soundcity MVP Awards via plenty tweets where him say na ojoro full the Awards.

The producer wey produce plenty hit songs for 2017 enter him Twitter blast the organizers after YBNL Young John win the Producer Of The Year Award.

Kiddominant na the man wey dey behind 2017 hit songs like Davido ‘Fall’, Mayorkun ‘Mama’ and ‘Che Che’.

Some of him followers gan reason with am based on say truth dey the matter wey him yarn.

Na later him come delete some of the tweets where him blast the award organizers. Him come congratulate Young John for the award wey him win.

One thing wey dey very sure be say hardwork get plenty benefits wey him carry, whether na award abi na money or even fame e carry come your side, take am, show love and live life.

Na better thing him do as him finally wish Young John well but from my point of view him for no even tweet about the matter if him know say him go still delete am.

Feel free to use the share or like button!