Kendrick Lamar no gree stop as him dey rise to greatness song after song, album after album.
The TDE rapper don reach another success point for him music career. The Compton rapper last album wey him give the title DAMN just reach double platinum for U.S.
Him hit over 2million sales around last year and Billboard confirm am, in total the album sales don hit over 2.002 million. K-Dot first two albums perform very well.
Good kid, M.A.A.d city sell 1.71 million copies, and To Pimp a Butterfly sell 1.05 million.
Na The Recording Industry Association of America certify the album last year around July after e reach that same level but this time na double platinium.
Kendrick Lamar album “DAMN” na the first project wey enter double platinum for 2017.