Na Oscars tradition for the person wey win the former Best Actor to present the Best Actress award but Affleck, wey win the Academy Award for 2017 for him role in Manchester by the Sea, decide say him no go play that role
Him take this decision so that him go fit avoid any how talk-talk after two women don accuse am say him of sexual harassment.
The people wey go take him place na Jennifer Lawrence and Jodie Foster.
Affleck dey face two lawsuits after the two women report say him harass them when them been dey work on I’m Still Here in 2010.
According to Time, one of the women claim say Affleck crawl enter bed with her as she been dey sleep, and the other woman say him try force her make she stay for the hotel room and him try to block her when she no gree as she wan comot.
The actor deny the whole matter, talk say the women wan use scope collect money from him hand.
Na Jimmy Kimmel go host the 2018 Oscars and e go dey live on ABC on Sunday, March 4, at 8 p.m. ET.