Jan 13 Best Premier League Stats 2018
Today we bring una the best premier league stats wey dey for Saturday Jan 13 match even as we wait for Sunday match.
Check them out;
- Southampton don get 10 matches wey them never win for Premier League as them draw 2-2 for Watford and Burnley dey their back with 6 matches after them lose to Crystal Palace.
- Abdoulaye Doucoure goal na the 1000th goal wey Southampton go concede for Premier League and na them be the 7th team wey go concede that number of goal since premier League history
- Watford been dey lose 2-0 to Southampton before them come equalize to draw the game.
- Chelsea don draw 3 straight game for all competitions for the first time in their history after them fail to beat Leceister City for Stamford Bridge.
- David Moyes reach him 200th win as manager for Premier League as West Ham win 4-1 for Huddersfield.
- Moyes na the fourth person to get this kind achievement after Sir Alex Ferguson (528), Arsene Wenger (468) and Harry Redknapp (236).
- Apart from penalty, Brighton don concede more goals from set-piece (freekick and other kind setup like that) than any other team for the Premier League this season (16).
- Newcastle 1-1 draw with Swansea City mean say them fail to win any of their last seven home Premier League games (D2 L5). This na their longest winless run since the 2008-09 season under Joe Kinnear and also Alan Shearer (eight games). Also this na Rafael Benitez longest winless run on top home soil for the Premier League as a manager.
That na wetin we carry come today, watch out for Sunday match.
You fit share this post via the social media buttons wey dey under here.