Jacob Zuma Warn Zodwa Wabantu Make She Change Her Way Of Life
President Jacob Zuma warn Zodwa Wabantu make she change her way and her dress mode plus even say she dey tell young women to copy her.
Zodwa Wabantu na dancer wey no dey like wear pant waka and she dey even dance on stage without pant.
Recently our own Naija singer Davido sef reveal say him go like shoot new music video with the lady.
Chei! Davido Don Finally Set To Collabo With Zodwa Wabantu, South African Dancer Wey No Dey Wear Pant
The 32 years old Zodwa of Soweto been go one New Year party for Nutting House and as she dey stage, she tell the crowd how she make R35,000 from dancing.
She also encourage women make them use wetin them get to get wetin them want and aproko people wey dey there come record am.
The message spread like fire come reach Zuma ear. Na then Zuma follow talk-talk person for ANC Zizi Kodwa reason say make them tell Zodwa make she coordinate herself.
Kodwa come yarn DJ Tira wey be Wabantu manager wetin presido talk but Tira tweet say him no get issue with her lifestyle afterall na where she take dey chop.
But him only say na wetin she talk for stage him dey against and him no ready to tell her make she change.