As Africans don prove themself now and again, no be too much surprise why international artists dey always come our beautiful continent to experience the full and rich culture the continent get to offer
Many of this international musicians don mention the big influence Africa make for their music career as musicians as country like Naija, South Africa, Ghana and others don play major role for entertainment.
See list of few international artists wey don shoot their music video for South Africa throughout the years.
Jesse Smollet – Hurt People
The Empire actor recently shoot one video for him single Hurt People for Soweto. The video show a number of social issues, with clear focus on racism. Na for December 2017 him shoot the video.
Solange Knowles – Losing You
For 2012 Solange launch the video of Losing You wey them shoot for different part of Cape Town. Wetin follow dey good about the video na the fact say Solange no only focus on South African culture but also showcase culture of the Le Sapeur community wey be Congolese subculture of Congolese men wey their drssing make brain wella.
Drake – One Dance/Please Forgive Me
When this two videos drop, e dey hard to find online as be say na only on top streaming services like Spotify and iTunes you fit see am. Them shoot the video for Soweto and inner-city Johannesburg, the Please Forgive Me video also feature actor – Jerry Mofokeng Wa Makhetha.
Omarion – Distance
Omarion shoot the video for Distance single inside Kwa-Zulu Natal and him try also wear traditional Zulu attire.
Watch Mzansi hip hop young king Nasty C interview after VGMA 2018 below;