Hip hop act and apper, Illbliss talk him own story and experience with SARS officers via one Instagram post
Illbliss say the officers point gun for him head and dem make him and him manager lie down for ordinary ground as dem de search dem.
The rapper wey de flow for Igbo language reveal say the officers force him and him manager to lie face down on top coal tar. He write say,
“Last night SARS had guns to my head! Lying on the coal tar next to my manager/what the fk is going on? Searching us for tramadol and …….”
See post below.
Who is Illbliss?
Na Nigerian rapper/ hip-hop recording artist, stage performer, businessman and owner of the talent managing outfit ‘The Goretti Company’ and the company help launch Chidinma and Phyno career plus others. Fans know am as Oga Boss and him don get many nominations and win awards.
The one wey loud wella na the award for Best Hiphop Video (for the hit single “U Go Wound O!!”) for the 2008 first edition of the Soundcity Music Video Awards. Na American hip-hop star Nas give am the award for hand. Him first album, Dat Ibo Boy, drop in 2009 and na for there “Aiye Po Gan! (Enuf Space)” dey.