Idols SA Season 12 runner-up, Lucia, don release one single wey she call Wenzani Ngami. Na Lucia compose the song and Linda Gcwensa produce am.
The song mean “what are you doing with me”, and na question wey she dey ask men wey don dey long-term relationships and still them no dey ready to commit.
In her words she say;
“I am excited that my debut single is here, after two years from competition. It took hard work, passion, dedication and dealing with emotions to release ,as the song affects me personally”.
Lucia get correct music background as she don be part of different choir group from small age.
She be the kain person wey like to try new things, and she don enter plenty singing competitions like Coca-Cola Pop-Stars and DSTV Clash of the choirs.
Her most recent attempt na Idols SA season 12, where she make am enter the Top Five.
Wenzani Ngami dey get support on top radio stations across the country as them dey help the Xhosa singer boost her career in the music industry.