I Regret Say I No Go School – Daddy Showkey


I Regret Say I No Go School - Daddy Showkey

Daddy Showkey, one of Naija early music artists don reveal him greatest regrets in life.

Daddy Showkey real name na John Asiemo and na Nigerian galala singer. Him style of music na ghetto dance or simply ghetto. Him dey popular for Ajegunle in the late 1990s.

Gbedu: Daddy Showkey – ‘Showkey again’

For one interview wey him do with ThePointNg, Daddy Showkey talk say as him no go school say na im be him greatest regret. As him talk am, he say if he see musicians like am wey be graduates say him dey dey proud of them.

He come say even though him mama na teacher she really give am freedom to do wetin him like, but if he get another chance he go take school serious.

When ThePointNg ask am why he no fit go back to school now him talk say right now him dey cater for too many people so he feel say him children go continue from where him stop.

Watch this Daddy Showkey song wey him do more than 10 years ago: