The 2018 UTME go soon come out and here na how you fit check am easily.
The Joint Admission and Matriculation Board, JAMB Registrar, Prof Ishaq Oloyede recently announce say e go take two or three days to release the JAMB results.
The 2018 edition of the Unified Tertiary Matriculation Examination wey been start on Friday, March 9, 2018, go end on Saturday, March 17.
But as the matter dey be, anytime from now, the first set of candidates wey don write their exam go fit see their results.
So, this na how you fit check your result once e come out.
1. You go visit JAMB official website, www.jamb.org.ng
2. When e open, check your upper right side.
3. Then put your PIN, Serial No or Reg Number.
4. When you see your JAMB 2018 RESULT, print am out because you go still use am.
5. Photocopy am, keep the original and if i go advise, you fit print out two original copies, still photocopy am
You fit also watch the video on how to check your UTME result for the video below.