Gidi Fest 2018 don announce their artist line up and e feature Wizkid, 2Face, Adekunle Gold and more
The Lagos Music Festival, Gidi Fest reveal say top Naija artists go dey present for this year Gidi Fest.
The event go take place for the Hard Rock Café Beach Front on Good Friday, 30th March, Wizkid and 2face go headline the event as other artists too go dey present to entertain the crowd.
Other acts wey go dey there na Maleek Berry, Ycee, Adekunle Gold, Brymo, Show Dem Camp and Mayorkun.
This year, the organisers dey introduce second stage wey go raise up the Next Gen of artists wey get talent wey be say them dey worry for underground. The artists include D-Truce, Makka, Remmy Baggins, Lady Donli, D-O, CHYN, Jinmi Abduls, Jamal Swiss.
Other years wey the festival don hold, e dey feature African and international acts and this year own no go different so stay tune as we go update you.
For your tickets, follow www.gidifest.com for more information.
Gidi Fest na event wey start for Lagos in 2014 and them been don use different venue before them come settle for Hard Rock Café beachfront, for Landmark Village, Oniru.
Them dey record exactly 10,000 people over 2 days.
Na Eclipse Live dey bring una Gidi Fest and Hard Rock Café, Pepsi and Power Horse dey sponsor am. Universal Music, Eko Hotel, Virgin Atlantic and Mikano dey support them.
You fit help share this post online via the social media button!