Ghanaian Singer Ebony Reigns Don Die, Read Facts About Her

4
Ghanaian Singer Ebony Reigns Don Die, Read Facts About HerPopular Ghanaian Dancehall Ebony Reigns don die and na for motor accident she lose her life on Thursday.

According to police, the 20-year-old singer and two military officers were use one Jeep with registration AS 497-16 dey come back from Sunyani towards Kumasi when them bash enter one VIP bus wey dey go towards Sunyani from Kumasi.

Myjoy report say the two military occupants die later for Bechem Government Hospital where them rush them go after the accident as DSP John Adusei, Mankraso District Commander confirm am.

The driver survive the accident but him still dey the same hospital where him dey receive treatment.

Adusei say them don put the bodies for Mankraso Hospital Morgue for Ashanti Region.

Barimaba Yusif wey be journalist with one local radio station, After-2 FM, say the road where the accident happen no good at all as him dey on the Super Morning Show on top Joy FM on Friday.

According to the journalist, him say e fit be say the driver dey try avoid heap of sand wey them dey use repair road but instead him crash with the motor wey dey the opposite direction.

Ebony Reigns for turn 21 on February 16.

Who Be Ebony Reigns?

Her full name na Priscilla Opoku-Kwarteng and they born am for February 16, 1997. She be Ghanaian dancehall and afrobeats artiste.

Watch Ebony Reigns +18 Performance For 2017 4Syte Music Video Awards;

 

1 COMMENT

LEAVE A REPLY