Gas Explosion For Badagry Lagos State Kill 5 People (PHOTOS)

10
Gas Explosion For Badagry Lagos State Kill 5 People (PHOTOS)The Gas Explosion For Badagry Lagos State Kill 5 People (PHOTOS)

One shop wey dey deal in gas for Iluda Road, Ajara Vetho in Badagry catch fire yesterday.

According to reports wey we get the thing happen around 9am for morning. People die and plenty other carry serious injury.

As person wey go there take talk am, him say if you enter that area after the thing happen, say you go just dey see human being body part.

Him say the thing make am wan vomit as be say when him first enter make him know wetin sup, him take mistake match person intestine.

Na when him look wella him come dey see finger for one corner, leg dey one side and some other kind things wey make am fel very bad.

Feel bad kwa? Him say infact him run comot go one side get himself before him come back.

People wey dey there say the force wey the gas take explode strong reach where e scatter the wall of shops wey dey around am.

Men from the Lagos State Fire Service dey on ground to put the situation under control.

This one go be the second time wey gas dey explode as be say early morning that same yesterday, e get one wey happen for the Second Coming Gas station wey dey Magodo area of the state.

See photos below;

NO COMMENTS

LEAVE A REPLY