Finally Evans Don Vanish

3
Loading...

Billionaire kidnapper Evan don vanish and nobody no know where him dey

Loading...

30 heavily armed men move am out of Lagos for midnight

After weeks of media ginger and even media tour by the famous kidnapper Evans, sudden blackout don take over the case of Chukwuduneme Onwuamadike a.k.a. Evans and that one don raise questions like whether him don escape or him don die or even the questions wey nobody wan ask – whether government and all offices involved wan die the matter.

According to Saturday Sun, Evans never die as him family been dey reason but him no dey Lagos police command headquarters cell again as about 30 heavily armed men come move am for midnight few days ago go location wey nobody know

Some senior police officers wey sabi wetin dey the matter wella tell Saturday Sun say them move am go Abuja.

Truly, for the last few days, e get the kind silence wey don cover this Evans matter. Where Evans? This na question wey police never ready to officially answer right now.

Man wey be say disclose the details of him criminal life to the public almost on daily basis don suddenly go lowkey over night so tey even the press corps no fit access am.
One Saturday Sun reporter wey visit the state police command get the reply say Evans no longer dey allowed to talk to the press till further notice. The matter don surprise those wey don dey follow him story since him arrest.

Police talk last week say them don get court order to detain am for three months to give them enough time to complete their investigation. This one dey come after Evans lawyer, Olukoya Ogungbeje, file two lawsuit for the High Court dey seek him release plus N300m damages from the police wey them dey claim.

Loading...

NO COMMENTS

LEAVE A REPLY