XXXTentacion na American rapper wey dey popular because of him raw and bold style of music
Him die from gun shot after one gunman shoot am according to TMZ but the local police say na some men.
You fit read the full details with the link wey dey for up because this post na about him bio.
Him like music from childhood, but him no like to follow notes and patterns. When him dey grow up, him like rappers such as Tupac Shakur and bands like Papa Roach. XXXTentacion get fame as him dey drop sample of him songs and sometimes the full version on SoundCloud. Him don collabo with rapper Ski Mask the Slump Rap and him don drop albums through their music group ‘Members Only’.
Him style of music no dey follow any beat or notes and e dey aggressive with mix of beats wey scatter. Him begin use the name ‘XXXTentacion’ and e mean ‘Unknown Temptation’.
For him early teenage years, XXXTentacion spend one year inside jail becos of issues wen him get. Inside jail him pally up with rapper Ski Mask the Slump Rap and as them comot, them form one group wen them call ‘Members Only’. In 2014, him upload him first song on SoundCloud account and him call am ‘Vice City’. Him also use the platform to release samples or full versions of songs wen him drop and some wen no even drop at all.
In 2015, him drop two albums ‘Members Only Vol. 1’ And ‘Members Only Vol. 2’ as collabo with rap artist Ski Mask the Slump God. In 2016, him drop ‘Willy Wonka Was a Child Murderer’. Him 2016 song ‘Look at Me’ turn hit. Him release the song again in 2017 e enter the US Billboard chart hit list. In April 2017, him drop three songs on SoundCloud. In May 2017, him drop him first album, ‘Revenge’, and e get eight mixtape tracks wen him been don drop.
- Him projects include studio album ‘Bad Vibes’ and ‘17’ plus mixtape ‘I Need Jesus’. Him also wan do collabo album ‘Members Vol. 3’ with the group ‘Members Only’. And him last studio album before him die na ‘?’.
Them born XXX Tentacion as Jahseh Dwayne Onfroy on 23 January 1998, in Florida. Him grow up in areas like Pompano Beach and Lauderhill in Florida. XXX Tentacion like music wella from small and him even join choir but him dey always get kwanta with other children so them pursue am from the choir group.