Davido Join Wizkid On Stage For #WizkidTheConcert To Perform FIA
This na one of the surprise of the night as fans witness Davido join Wizkid on stage for #WizkidTheConcert as him perform one of him hit songs FIA.
The two fine acts wey dey always drag who better pass, drop all their beef to make fan happy as Davido perform the jamz.
Remember say recently for the#MOBO awards , Wizkid win Best International Act as Davido win Best African Act and that one alone cause another beef as fans use am to start another social media palaver.
Wizkid after him win the award receive congrtulation message from all angle, even former president Goodluck Jonathan follow happy for am.
#TheWizkidConcert na concert wey Wizkid headline among other artists wey perform. The concert dey come after Pepsi #RhythmUnplugged wey hold recently.
Many fans of the two superstars no believe am when Wizkid call Davido enter stage as them no expect am at all, and na one of the highlights of the event.
Watch Davido perform FIA with Wizkid below;
— SOUNDCITY AFRICA! (@SOUNDCITYtv) December 25, 2017
— Daddy CHO (@Chidubem__O) December 25, 2017
The event get many highlights and as e be we go bring una more update soon!