Davido Don Dey Serve Him Fatherland

73

“Otondo OBO” Davido Don Dey Serve Him Fatherland

DMW entertainment boss and frontline act David Adeleke wey we sabi wella as Davido don start him National Youth Service Corps (NYSC)

Davido announce am on Tuesday via him post for de social media platform, Instagram with the caption: “Otondo OBO … 🇳🇬 #Nysc .. tying up every loose end”. Dis development dey show face as at now wen people dey accuse de Nigeria Minister of Finance, Kemi Adeosun say she forge her Corps exemption letter.

Davido, Peter Okoye & Cassper Nyovest Get Nomination For “IARA Awards” In London

Though the “IF” crooner neva show any interest for politics yet but e be like say de musician dey do every tin wey him fit do to make sure say him tie all loose ends as him take talk so that him go fit avoid de kind wahala wey Adeosun dey face now.

Ameboupdate understand say Davido na from de kind family wey dey into politics well as one of him uncle, Isiaka Adeleke, na one-time governor of Osun (January 1992 – November 1993) and a two-time senator wey represent Osun West (May 2007 – May 2011, May 2015 – April 2017) until him die.

Loading...

Presently Ademola Adeleke, him other uncle, dey represent Osun West for Nigerian Senate as him win de senatorial district bye-election after Isiaka die.

Senator Adeleke na still PDP candidate for de governorship election wey dey come up for September in Osun state.

Watch Davido first day as corp member for down.

 

 

Loading...

NO COMMENTS

LEAVE A REPLY